mangalagaur

मंगळागौरी व्रताचा शास्त्रार्थ

 हे व्रत विवाह झालेल्या स्त्रियांनी पतीच्या आयुष्यवृद्धीसाठी लग्नानंतर  पाच वर्षे श्रावण महिन्यातील प्रत्येक मंगळवारी करावे . स्नान करून मंगळागौरी देवीचे षोडशोपचाराने पूजन करावे व कणकेच्या (गव्हाच्या पिठाच्या) सोळा दिव्यांनी आरती करावी . ब्राह्मण ,सुवासिनी व माता यांना सौभाग्यवान दयावे . आरती करता केलेले दिवे प्रसाद म्हणून भक्षण करावे व अळणी खावे.  संध्याकाळी बायकांना हळदी कुंकवाला  बोलवावे . हळद ,कुंकू ,विड्याची पाने ,सुपारी व हातावर थोडी साखर द्यावी . सवाष्णीच्या गव्हाने ओटी भरावी . रात्री पुन्हा मंगळागौरीची आरती म्हणावी . रात्रभर पुन्हा "मंगळागौर" जागवावी . त्यावेळी उखाणे ,फुगड्या ,गाणी ,भेंड्या लावाव्यात ,आपआपल्या पतींची नावे घेण्याचा कार्यक्रम करावा .निरनिराळे खेळ खेळावेत.आजकालच्या धावपळीच्या जीवनात या सांस्कृतिक परंपरा जपणे अशक्य झाले आहे म्हणूनच , We are at poojaandsahitya.com  providing  our best services in Poojasahitya and Online Booking of Pandit for Pooja on the occasion of "Shravan" and especially for Mangalagaur u can book paramparik khel for more information visit us at poojaandsahitya.com

Shravan_Laghurudra Abhishek

लग्न झाल्यावर पहिली पाच वर्षे श्रावण महिन्यात प्रत्येक सोमवारी स्त्रियांनी शिवामूठ वहावयाची पद्धत आहे . चारी सोमवारी स्त्रियांनी उपवास  करावा. स्नान करून तांदुळ , सुपारी , गंध ,फुल ,दोन बेलाची पाने महादेवाला वाहून पुजा करावी . हातात तांदूळ घ्यावे व ते तीनवेळेस महादेवावर वहावे . पहिल्या सोमवारी तांदूळ , नंतर तीळ ,नंतर च्या सोमवारी मुग ,चौथ्या सोमवारी जवस आणि पाचवा सोमवार आलाच तर सातू शिवामुठीसाठी घ्यावेत . दिवसभर उपवास करावा व संध्याकाळी स्नान करून महादेवाला बेल वाहून उपवास सोडावा . धान्य निवडून व स्वच्छ धुवून वाळवून मग महादेवाला वहावे .शक्य असल्यास लघुरुद्राचा अभिषेक करावा .

श्रावण शुक्रवार

“श्रावण शुक्रवार”

पुजा विधी (pooja vidhi):

               श्रावण(Shravan) महिन्यातील चारही ‘शुक्रवारी’ बायकांना हळदी-कुंकू देऊन दुध साखर व फुटाणे द्यावेत . प्रत्येक शुक्रवारी मुठीचे पुरण घालावे . एका शुक्रवारी पुरणपोळी करून सवाष्ण जेवावयास घालावी . तिला दक्षिणा द्यावी . देवतांची पुजा करावी . हळद -कुंकू , फुले ,आघाडा ,दुर्वा ,गंध लावुन “जिवतीची” पुजा करावी . पुराणाचे ५/७/९ असे दिवे करून जिवतीची आरती करावी .

स्वयंपाक (cooking) :

    मुख्य म्हणजे पुरण घालावे ,तळण ,खीर ,व बाकीचा स्वयंपाक इतर सणांप्रमाणेच करावा . सवाष्णीच्या ताटाभोवती रांगोळी काढावी . देवाला रांगोळी काढून नैवेद्य दाखवावा . जेवण्यास बसण्यापुर्वी  पानापुढे विडा दक्षिणा ठेवून नमस्कार करावा . जेवण झाल्यावर सवाष्णींची खण नारळाने ओटी भरावी .

मुलांना औक्षण :

         जिवतीची पुजा (Pooja) करून आरती झाल्यावर घरातील लहान मुलांना पाटावर बसवून त्यांचे औक्षण करावे . परगावी जर आपले मुलं असतील तर चारी दिशेला औक्षण करून चारी दिशेला अक्षता टाकाव्यात . समई ला जशी वात असते तशी औक्षणाच्या दिव्याची वात असावी , फुलवात असू नये . देवीच्या देवळात देवीचे दर्शन घेऊन तिच्यापुढे शिधा अर्पण करावा व आपल्या अपत्यांच्या दीर्घायुष्याची प्रार्थना करावी.